ស្វាយរៀង ÷ ប្រភពពីប្រជាពលរដ្ឋ រស់នៅជិតខ្សែបន្ទាត់ព្រំដែនច្រកស្លាបក្រុងបាវិត ហៅច្រកផ្លូវសាលាក្រុង បានឲ្យដឹងថា ជនជាតិវៀតណាម លំហូរចូលយ៉ាងគំហុករាល់ថ្ងៃ រីឯលោក នូ សីថា អគ្គនាយកនិង រដ្ឋាករ គយកម្ពុជាបង្កាបង្ក្រាបបទល្មើស រាល់ទំនិញខូចគុណភាព បែជាមកប្រើជនសុវិលមកអង្គុយរាប់ម៉ូតូរម៉ក និងរថយន្ដដឹកបន្លែផ្លែឈើ ទំនិញផ្សេងៗយកលុយ តាមការកំណត់ នៅចំណុចច្រករបៀងព្រំដែនផ្លូវសាលាក្រុង ព្រមទាំង ទាហាន ជាអ្នកមាន សិទ្ធិអំណាចបើកភ្លើងខៀវ ទើបជនជាតិវៀតណាមហ៊ានធ្វើអ្វីៗ តាមអំពើចិត្ត។
ការដែលជនជាតិវៀតណាម ឆ្លងដែនចូលខ្មែរ មករកស៊ីនៅក្រុងបាវិត ខេត្តស្វាយរៀង និងមកដើរលក់ឆ្នោតល្បែងផ្សេងៗ បានយ៉ាងសុខស្រួលបំផុត ចំណែកសមត្ថកិច្ចពាក់ព័ន្ធនៅច្រករបៀងព្រំដែនស្លាបក្រុងបាវិត ហៅច្រកព្រំដែនសាលាក្រុង មិនទាន់ចាត់វិធានការទប់ស្កាត់នៅឡើយ។
ក្រុមឈ្មួញវៀតណាមតូច ធំ និងឈ្មួញខ្មែរសម្រុកឆ្លងដែនដឹកជញ្ជូនទំនិញ ផ្សេងៗ បន្លែ ផ្លែឈើតាមម៉ូតូ ឬរម៉កម៉ូតូ ចូលមកលក់នៅក្រុងបាវិតយ៉ាងរលូន មានការបើកដៃពីសំណាក់មេគយចល័ត ដាក់ពង្រាយកូនចៅគ្រប់ច្រកល្ហរ ព្រំដែន នានា
ភូមិសាស្ត្រក្រុងបាវិត និងសមត្ថកិច្ចពាក់ព័ន្ធ នៅក្នុងខេត្តស្វាយរៀង ធ្វើមិនដឹងមិនឬអ្វីទាំងអស់ ទុកឲ្យជនជាតិវៀតណាម លំហូរចូលដោយសេរី មិនខ្វល់ពីការរិះគន់អ្វីទាំងអស់។
ដូច្នេះហើយទើប សមត្ថកិច្ចពាក់ព័ន្ធក្នុងក្រុងបាវិត និងលោក នាយ ប៉ុស្តិ៍នគរបាលច្រករបៀងព្រំដែនសាលាក្រុង និងទាហានអាចប្រើអំណាច និងតួនាទី របស់ខ្លួនប្រមូលលុយ បានយ៉ាងច្រើនសន្ធឹកសន្ធាប់ក្នុងមួយខែៗ ប្រហែលជាអាងខ្នងបង្អែករឹងមាំនៅពីក្រោយទេដឹង ទើបបណ្ដែតបណ្ដោយ ឲ្យជនជនជាតិវៀតណាម ឆ្លងដែនចូលមកខ្មែរតាមទំនើងចិត្ត ។
បញ្ហានេះទើបប្រជាពលរដ្ឋ រស់នៅ សង្កាត់បាវិត ក្រុងបាវិត អំពាវនាវដល់ថ្នាក់ដឹកនាំក្រសួងមហាផ្ទៃ និង ឯកឧត្តម ប៉េង ពោធិ៍សា អភិបាលខេត្តស្វាយរៀង និង លោក ពេជ្រ វិរះ ស្នងការដ្ឋាននគរបាលខេត្តស្វាយរៀង ពិនិត្យឡើងវិញខ្លះផង ។
ចំពោះ គយចល័តនៅចំណុចប៉ុស្តិ៍នគរបាលច្រករបៀង ព្រំដែនស្លាបក្រុងបាវិត ហៅច្រកសាលាក្រុង ព្រមទាំង សមត្ថកិច្ចពាក់ព័ន្ធ ច្រកនេះបណ្ដែតបណ្ដោយ ជនជាតិវៀតណាម លំហូរចូលដោយរលូន មិនទាន់មានការទប់ស្កាត់ឲ្យបានត្រឹមនោះទេ៕
